Jubilees (lat)
13
10 ...et inhabitavit illic annis duobus, et promovit inde in austrum usque Bahalot, et facta est famis super terram. 11 Et abiit Abram in Aegyptum anno tertio septimanae et inhabitavit in [terram] Aegypti quinque annis, priusquam raperetur uxor ipsius ab eo. 12 Et Taneos [civitas] Aegypti tunc aedificata est annis septem post Cebron. 13 Et factum est cum rapuisset Farao Saram uxorem Abram, quaestionavit Dominus Faraonem et domum eius quaestionibus magnis propter Saram uxorem Abram. 14 Et tunc Abram glorificatus divitiis valde [omnibus] ovibus et bubus et asinis et camelis et equis et servis et ancillis argento et auro valde; etenim et Loth filio fratris sui erant divitiae. 15 Et reddidit Farao Saram uxorem Abram et ejecit eum de terra Aegypti, et pervenit in locum ubi fixerat tabernaculum suum in primis, in locum altarii Agge ad orientis partem et Betel a mare, et benedixit Dominum Deum suum qui revocavit eum in pace. 16 Et factum est in quadragensimo et primo jubeleo, anno tertio *ebdomadae primae reversus est in locum hunc et obtulit (super eo) olocaustomata et invocavit in nomine Domini (et dixit): 'Tu es Deus excelsus, Deus meus in saecula saeculorum.' 17 Et in anno quarto septimanae hujus separatus Loth ab ipso et inhabitavit Sodomis: et homines Sodomitae erant valde et iniqui...in cordibus suis, 18 propter quod separatus est [Loth] filius fratris sui ab eo, eo quod non erant illi filii. 19 *In quarto autem anno septimanae hujus jubelei ipsius, quo captivatus est Loth, dixit Deus ad Abram (postquam separatus est Loth ab ipso)⁷: Eleva oculos tuos de loco, ubi sedes, ad occasum et Africum et orientem et septentrionem. 20 Quoniam omnem terram quam tu vides, tibi et semini tuo dabo eam in saecula, et ponam semen tuum sicut harenam maris (si poterit homo enumerare harenam terrae), attamen semen tuum non enumerabitur. 21 [Et tu] exsurgens perambula (terram in longitudine et) latitudine ejus et vide universa, quia semini tuo dabo eam. Et abiit Abram in Cebron et inhabitavit...